నా పుస్తకాలుండే గది లోని గడియారం ఎపుడూ ఆరేడు గంటలు నెమ్మదిగా తిరుగుతుంది.రెండు సార్లు బ్యాటరీ మార్చినా లాభం లేదు.నాలాగే నిరాశగా,నెమ్మదిగా నడుస్తుంది.అది నా పరిస్థితి ని ప్రతిబింబిస్తుందనిపించింది.దానిని మరి బాగు చేయించే ప్రయత్నం చేయలేదు.నేను వెనక్కి నడుస్తుందని చెబుతున్న గడియారాన్ని చూస్తే ఆశావాదులు ముందుకు నడుస్తుంది గడియారం అనవచ్చు.కానీ నా దృష్టిలో మాత్రం అది వెనకనే నడుస్తుంది.దానినలా చూస్తే అది నాకు తోడు గా నడుస్తుందనిపిస్తుంది.అందుకే సమయాన్ని తప్పు గా చూపే ఆ గడియారాన్ని ఆత్మీయంగా చూసుకుంటాను.
No comments:
Post a Comment