సమాజం నిర్ణయించిన నా విలువ

ప్రక్కన వేరే ఏదైనా సంఖ్య లేకపోతే సున్నాకి విలువ లేనట్లు పెళ్లి చేసుకుని భర్త అనే మగాడు ప్రక్కన ఉంటేనే నాకంటూ ఒక విలువ ఉంటుందంట.లేదంటే నేను కూడా ఒంటరి సున్నా లాగా ఎటువంటి విలువ లేకుండా ఉండిపోతానంట.ఇది సమాజం నాకు నిర్ణయించిన విలువ.తనని ప్రేమించటం మొదలు పెట్టిన రోజే తనతో మానసికంగా వివాహం జరిగిందని,తనకి వచ్చిన ప్రాణాంతకమైన వ్యాధి గురించి తను చెప్పినపుడు నేను పెట్టిన కన్నీరు సాక్షిగా నా జీవితంలో తనకి తప్ప ఇంకెవరికీ చోటు లేదని నా మనసు బలంగా నిర్ణయించుకున్నదని వీరందరికీ తెలియదు కదా.తెలిసినా ఆ భావంలోని పవిత్రత వీరికి అర్థం కాదు.తను,నేను సమాజం దృష్టిలో పెళ్లి చేసుకోకపోయినా, ఒకరినొకరం చాలా సంవత్సరాల నుంచి చూసుకోకపోయినా మా మధ్య ఉన్న దృఢమైన బంధం గురించి వీరందరికీ అర్థం కాదు కదా.అందుకే ఏమీ తెలియని వీరందరూ పెళ్లి వద్దంటున్న నా విలువను ఒంటరి సున్నా అంటూ నిర్ణయించేస్తున్నారు.